Зам 1: Cambridge буюу Британи систем 

Хэрэв та ирээдүйд яг ямар мэргэжилтэй болохоо шийдчихсэн, жишээ нь эмч эсвэл инженер болохоор эргэлт буцалтгүй сонгосон бол энэ зам чамд тохирно. Энэ систем нь олон хичээл үзэхийн оронд ердөө 3-4 хичээлийг маш гүнзгий судалдаг онцлогтой. 

IGCSE (Суурь шат): 10–11-р ангид үзнэ. Олон төрлийн хичээлээр ерөнхий суурь мэдлэг олгох үе.

AS Level (Дараагийн шат): A-Level-ийн эхний жил. Өөрийн сонирхсон 3–4 хичээлээ сонгож, арай илүү гүнзгийрүүлж эхэлнэ.

Зам 2: IB Diploma 

IB буюу International Baccalaureate бол олон улсын хөтөлбөр. Үүнийг товчхондоо "Боловсролын VIP карт" гэж нэрлэж болно. Маш хэцүү, бартаатай ч ,таныг жинхэнэ "Судалгааны мангас" болгож бэлдэнэ. Та 6 өөр төрлийн хичээл үзэхээс гадна нийгмийн идэвх (CAS), урт хэмжээний судалгааны эссэ (Extended Essay) бичих шаардлагатай. Дэлхийн аль ч улсын топ сургуульд хүлээн зөвшөөрөгдөнө. Олон талын мэдлэгтэй, шүүмжлэлт сэтгэлгээтэй "Дэлхийн иргэн" болоход тусална.

Америкийн их дээд сургуулиудыг зорьж буй залуусын хамгийн сайн найзууд бол эдгээр шалгалтууд юм.

• SAT: Энэ бол хичээлийн хөтөлбөр биш, харин ерөнхий чадварыг (математик, унших, бичих) сорих стандарт шалгалт юм.

• AP (Advanced Placement): Их сургуулийн түвшний хичээлийг ахлах сургуульдаа үзэж, шалгалт өгөх боломж. Хэрэв AP-даа өндөр оноо авбал их сургуульд ороод тухайн хичээлээ дахин үзэх шаардлагагүй болж, цаг хугацаа болон сургалтын төлбөрөө (кредит) хэмнэнэ.

Сонголт хийхдээ зөвхөн "аль нь гоё вэ" гэдгээс илүүтэйгээр өөрийнхөө ирээдүйд суралцах улс, мэргэжил болон ачаалал даах чадвараа бодоорой.

Аль замаар явахаа мэдэхгүй байна уу?

Дээрх хөтөлбөрүүд бүгд өөр өөрийн гэсэн онцлогтой учраас хүн бүрийн сурах арга барил, ирээдүйн зорилгод өөр өөрөөр нөлөөлдөг. Хэрэв та шийдэж чадахгүй эргэлзэж байвал манай мэргэжлийн хамт олон танд туслахад бэлэн байна.

Бид таны:

• Сонирхол, давуу тал

• Очихыг хүсэж буй улс, сургууль зэрэгт үндэслэн хамгийн зөв гарцыг хамтдаа тодорхойлох болно.

 [ЭНД ДАРЖ] бүртгүүлээд, мэргэжлийн зөвлөхтэй холбогдоорой.