Лапу Лапу олон улсын коллеж нь Гадаад хэлний тусгай тэнхимтэй тул Англи хэлнээс гадна Хятад хэл, Солонгос хэл, Япон хэл, Филиппин хэлийг давхар суралцах боломжтой байдаг. Мөн тус улсаас ирсэн оюутнуудтай хамт өөрсдийн хэлээр нь ярилцах зэргээр хэлний мэдлэгээ тэлж, хос хэлтэй болох боломжтой .

Хичээллэх цаг нь 1 цаг 30 минут буюу их сургуулийн системээр хичээллэх бөгөөд төгсөлтийн сертификатаас гадна үзсэн хичээлийн цагаар нь кредит оноо өгдөг. Иймээс оюутнууд маань цуглуулсан кредитээ өөрсдийн их дээд сургуулийн кредит цагтаа дүйцүүлэн тооцуулах боломжтой.

Тус сургуулийн бакалаврын түвшинд дийлэнхдээ Филиппин оюутнууд суралцдаг ба хичээлийн бус цагаар Филиппин оюутантай хамт гэрийн даалгавраа хийх цагийг тусгайлан захиалж болдог тул Англи хэлээр ярих чадвараа практикт ашиглах мөн Япон, Солонгос, Хятад, Тайван гэх мэт олон өөр орны оюутнуудтай харилцах зэргээр ярианы чадвараа хөгжүүлэх , бусад улсын соёлоос суралцах, олон орны найз нөхөдтэй болох бүрэн боломжтой.